Sel erreka: lehengoratze proiektua
URAk, Eusko Jaurlaritzako Industria, Trantsizio Energetiko eta Jasangarritasun Sailaren menpekoak, Sopuertako Sel erreka lehengoratzea sustatuko du. Helburua da tren-azpiegitura zahar batek aldatutako ibilguaren funtzionaltasun ekologikoa berreskuratzea, ingurumen-baldintzak hobetzea eta Burdinmendi bide berdearen segurtasuna areagotzea.
XIX. mendearen bukaeran Traslaviña eta Castro Urdiales lotzen zituen trenbidea eraiki zen, eta horrek errekaren zati handi bat estali zuen. 2019ko azaroan izandako euriteek egitura horretan kalte handiak eragin zituzten, lur-erorketak eta hormen hausturak ekarriz.
Proiektua ibaiaren zaharberritzea eta errekaren konektibitate ekologikoa hobetzea du xede. Ibilguaren jarraitutasuna berreskuratzea, faunarentzako pasabideak atontzea eta ibaiertzeko landaredia trinkotzea izango dira jardueraren helburu nagusiak. Horrela, errekak inguruneko ingurumen-kalitatea hobetu eta faunaren mugikortasuna errazteko aukera izango du.
URAk lanean jarraitzen du proiektua finantzatzeko lizitazioak egitea ahalbidetzeko, beharrezko administrazio-tramitazioa amaituta.